ಸೆನ್ಸಾರ್ ಮಂಡಳಿ "ಮಾದೇಶ" ಚಲನಚಿತ್ರ ನೋಡಿ ಕಂಗಾಲಾಯಿತಂತೆ. ಮಗು ಕೊಲೆ ಮಾಡಿ, ಪೊಲೀಸ್ ಠಾಣೆಗೆ ಹೋಗಿ, ರಕ್ತದಿಂದಲೇ ಸಹಿ ಮಾಡುವ ದೃಶ್ಯವೂ ಸೇರಿದಂತೆ ಮೂವತ್ತಕ್ಕೂ ಹೆಚ್ಚು ಕೊಲೆ ಚಿತ್ರದಲ್ಲಿತ್ತಂತೆ. "ಆಕ್ಷೇಪಾರ್ಹ ದೃಶ್ಯಗಳಿದ್ದರೆ ಕತ್ತರಿ ಪ್ರಯೋಗ ಮಾಡಬಹುದಲ್ಲ, ಸೆನ್ಸಾರ್ ಸರ್ಟಿಫಿಕೇಟ್ ನಿರಾಕರಿಸಿದರೆ ಹೇಗೆ?" ಎಂದು ಅದರ ನಿರ್ಮಾಪಕರು ಕೇಳಿದಾಗ ಮಂಡಳಿಯವರು "ಹಾಗೆ ಮಾಡಿದರೆ ಉಳಿಯುವುದು ನಾಲ್ಕು ಹಾಡು, ಇಪ್ಪತ್ತು ನಿಮಿಷದ ದೃಶ್ಯಗಳು" ಎಂದುತ್ತರಿಸಿದರಂತೆ.

ಪ್ರಾಯಶ: ಇವತ್ತು ಚಿತ್ರ ಬಿಡುಗಡೆಯಾಗುತ್ತದೆ. ಯಾವ ಮಾಯಕ ನಡೆಯಿತೋ?ಒಂದು ಗುಮಾನಿ ಹೀಗಿದೆ:

ಸರ್ಟಿಫಿಕೇಟ್ ಕೊಟ್ಟರೆ ಸರಿ,ಇಲ್ಲವಾದರೆ ಹೆಣಗಳು ತೆರೆಯ ಮೇಲೆ ಯಾಕೆ, ಇಲ್ಲೇ ಬೀಳಲಿವೆ ಎಂಬ ಒಂದು ಮಾತು ಕೆಲಸ ಮಾಡಿರಬಹುದು!

------------------------------------------------------------------------------------------------

ಮುಂಬೈಯಿಂದ ಬಂದ ನಾಯಿ,ಊರಿನ ನಾಯಿಗಳಿಂದ ಭಿನ್ನ ಹೇಗೆ?

ಮುಂಬೈ ನಾಯಿ ಬಾಲವನ್ನು ಮೇಲೆ ಕೆಳಗೆ ಆಡಿಸುತ್ತವೆ.

ಅಲ್ಲಿ ಬಾಲವನ್ನು ಅಡ್ಡಡ್ಡ ಆಡಿಸಲು ಸ್ಥಳ ಎಲ್ಲಿದೆ,ಪಾಪ!

----------------------------------------------------------------------------------

ದಲಾಲ್ ಸ್ಟ್ರೀಟ್ ಎಲ್ಲವನ್ನೂ ಕಲಿಸುತ್ತದೆ-ಆದರೆ ಬೋಧನಾಶುಲ್ಕ ತುಸು ದುಬಾರಿ ಅಷ್ಟೆ.

----------------------------------------------------------------------------------

ಚೀನಾಗೆ ನೂರು, ಭಾರತಕ್ಕೇಕೆ ಮೂರು?
ಒಲಿಂಪಿಕ್ಸಿನಲ್ಲಿ ಭಾರತದ ಸಾಧನೆ ಬಗ್ಗೆ ವಿಜಯ ಕರ್ನಾಟಕದಲ್ಲಿ ಬರಹವಿದೆ.
"ಒಲಿಂಪಿಕ್ಸ್ ಪದಕ ಗೆಲ್ಲುವುದೆಂದರೆ ಅದು ಯಡಿಯೂರಪ್ಪ ಮಂತ್ರಿಮಂಡಲದಲ್ಲಿ ಸ್ಥಾನಗಿಟ್ಟಿಸಿದಂತಲ್ಲ! "
-------------------------------------------------------------------------------------------
ಅಶಿಸ್ತಿನಿಂದ ಬದುಕಿರಿ, ಆರೋಗ್ಯವಾಗಿರಿ
ನೆಲ್ಲಿಕೆರೆ ವಿಜಯಕುಮಾರ್
ಪ್ರ: ಸುಮ್ನೆ ಸುಮ್ನೆ ಪ್ರಕಾಶನ
ನೊಣವಿನಕೆರೆ, ತಿಪಟೂರು ತಾಲೂಕು
ತುಮಕೂರು ಜಿಲ್ಲೆ
ಪುಟ: 172 ಬೆಲೆ: ರೂ.100
ಈ ಪುಸ್ತಕ ಓದಬೇಕೆನಿಸಿದೆ.
ಅಶಿಸ್ತಿನಿಂದ ಮನಸ್ಸನ್ನು ನಿರಾಳವಾಗಿರಿಸಿಕೊಂಡು ಸೃಜನಶೀಲರಾಗುವ ತಾತ್ವಿಕ ಜಿಜ್ಞಾಸೆಗೆ ಈ ಪುಸ್ತಕ ಓದುಗನನ್ನು ಈಡು ಮಾಡುತ್ತದಂತೆ.
--------------------------------------------------------------------------------------------
ವಿದ್ಯುತ್ ಕಡಿತದಿಂದ ಮಕ್ಕಳ ಓದಿಗೆ ತೊಂದರೆಯಾಗುತ್ತೆ.. ಅದಕ್ಕಿಂತ ಟಿವಿ ಧಾರಾವಾಹಿ ತಪ್ಪುತ್ತೆ...
--------------------------------------------------------------------------------------------
ಗಣೇಶನ ಆವಾಂತರ
"ಉದಯವಾಣಿ"ಯ ಈ ಬರಹದಲ್ಲಿ ಗಣೇಶನ ವಿಗ್ರಹದಲ್ಲಿನ ಬಣ್ಣದ ರಾಸಾಯಿನಿಕಗಳು ಪರಿಸರದ ಮೇಲೆ ಮಾಡುವ ಹಾನಿಯನ್ನು ವಿವರಿಸಲಾಗಿದೆ.
http://www.udayavani.com/showstory.asp?news=1&contentid=568110&lang=2